Usted está aquí

12.09.2017
Mamallaka kamachik-Conaie tantarikunaka katinkarami

Lenín Moreno mamallakta pushakka Confederación de las Nacionalidades Indígenas del Ecuador (Conaie)  pushakkunawanmi tantarirka.

Conaie tantarika,mushuk Ecuadorta shayachinkapa ninan mutsurishkamari nirka.

Wawakunapa yachanamanta, llaktapak aparikkunamanta, pukuchinamanta, allikanamanta, sumak kuskakamaymanta, shukunamantapash  yuyarikunaka. Mamallaktapi rimarikunamanta llukshishkami nirkapash.

Kaytapash nirka: Conaie-ka ayllullaktapi sapirishkamanta tukuy kawsay paktana yuyayta yanapanka, chaymi ñukanchikwan pakta kana. Mamallakta kamachika, tukuyllapak mamallaktata (país plurinacional)  shayachinapi yanapashpa katikunmi.

Secretaría de Gestión de la Políticamanta Miguel Carvajal. Universidad Intercultural sumak yachana wasita mañashkataka, rimariwan katikuktallami willarka.

Falder Falconí llamkaykamayuk, iskay shimipi kawsaypura yachayka, kay watalla  12 rantipi ñawparinka nishpa Conaieman risichikurka.

Ayllullaktapi aparikunata allichinataka, Agencia Nacional de Transito ukuwan hamutashpa, kimsa killapi yachashun nishpa Miguel Carvajalka  rimakurka.

Kutin, Conaie tantarika, decreto Ejecutivo hawa tantarinata mañarka. Jorge Herrera Conaie pushakka, mamallakta kamachikwan rimarikuyta yupaychashpa: “Wakin yachaywakuna  ñawparikukpipash, tawka rimarishkakuna paktarichunmi munanchik. Llakikunaka allichirichun shuyanakushunmi”, nirkami.

 

Califique esta información
Total votes: 4