Usted está aquí

02.04.2017
Tukuy mamallaktapi shitay alliman aparikun

Shitay tukurinalla pachakunakaman mana ima llakikuna rikurishkachu nishpa willachirka CNE ukuka. Shitayka 7 pacha tutamanta, 5 pacha chishikaman paktarina kan. Juan Pablo Pozo pushakka “shitaykunamanta mana ima llaki willay tyasgkachu”, nirka.

Recinto electoral kuskakunapi policía militar awkakuna chapakpi llaktayukkuna alli shitay tukushka. “Tukuy Junta Receptora del Voto tukuy pankakunawanmi shitachinakun”, nirka Pozo.

Mana ña aspishka pankakuna tyanchu. “Tukurinkakaman kasilla shitay kachun munanchik”, nirka CNEmanta pushakka.  

UNASUR, OEA ukukunamanta rikukkunapash shitaypak ruraykuna allillami aparikun nishpa rimashka. Unasurmanta Misión tantanakuyta pushak coordinador general Alexander Vega Fuerzas Armadaspa llamkay shitaykunapak ninan allimi kashka, nirka. Colombiamanta CNEmanta rikukpash  tukuy allimi aparikun yupaykunapash chuyallami kanka, nirka.

OEAmanta 77 rikukkuna chayamurka, 19 mamallaktakunamanta, paykunaka chikan markakunapi purinakun.

Karullaktakunapi ecuadormanta Consulado ukukunapipash shitayka alliman paktarirka. España, Italia llaktakunapi shitayka tukurirkami, acta pankakunataka ecuadorman tikrachimunka yupaypak.

4 pacha chawpipi CNE cadena nacional willaypi llukshinka shitay puchukaymanta rimankapak. 8 pacha tutapika shitaykunata yupashkamanta willachinka. 

Califique esta información
Total votes: 78